کوردی      عربي       فارسی       English       Kurdi  
    
  دەزگای ستاندەرد بیناکەی لێدەسێنرێتەوەو شوێنی دیكەشیان بەكرێ نادەنێ

سەرۆکی دەزگای ستاندەرد وتیشی”ئێستا بێ شوێنین، ویستوشمانە ھەر شوێنێکی دیکەش بگرین نەیانداوینەتێ چونکە بەبێ مۆڵەتی ئاسایش ھیچ نوسینگەیەکی خانوبەرە ئامادە نییە ئەو کارە بکات‌و کێشەکەش ئەوەیە ئاسایش مۆڵەت بەئێمە نادەن یان راستتر پشتگوێی دەخەن‌و پێماندەڵێن مۆڵەت لەدەست پارێزگایەو پارێزگاش دەڵێت بەدەست ئێمە نییە”.
مەسعود عەبدولخالق ئەو کارەش بە”جۆرێک لەدەرکردن”یان لەھەولێر ناودەبات‌و وتیشی”بەڵام بەڕەسمی دەرمان ناکەن‌و پێشتریش دو سێ جار لابەلا پێیانوتوین کە پێیان باشە لەھەولێر بڕۆین”.
جەختیش دەکاتەوە کە ئەوان بەھیچ شێوەیەک ئامادە نین ھەولێر جێبھێڵن‌و وتیشی”وەڵامی ئێمە بۆ بەرپرسانی ھەولێر ئەوە بوە ئەگەر دەرمان بکەن ناچینە سلێمانی، بەڵکو دەچینە ئەودیو دێگەڵەو دەیکەینە کەمپەین‌و خێمە ھەڵدەدەین”.
مەسعود عەبدولخالق، سەرلەبەیانی رۆژی ٢٠ی مانگی رابردو لەسەر سکاڵایەکی وەزارەتی پێشمەرگە پەیوەست بەبڵاوکردنەوەی ھەواڵێک لەپێگەی دەزگای ستاندەرد دەستگیرکرا. ھەرچەندە رێوشوێنەکانی بەکەفالەت ئازادکردنی گیرابونەبەر، بەڵام تادرەنگانێکی ئێوارە بەدەستبەسەری ھێڵرایەوەو پاشان ئازادکرا.
سەرۆکی دەزگای ستاندەرد وتیشی کە ھەمو لایەنە نێودەوڵەتییەکانی نەتەوە یەکگرتوەکان‌و ھیومان رایتس ۆوچ‌و باڵیۆزخانەو کونسوڵخانەی ئەمریکا گوێیان لەداواکانیان گرتوە بەڵام فشارەکانی دەسەڵات ھێشتا بۆ سەریان بەردەوامن کە تەنیا بەھۆی ئەوەشەوەیە رەخنە دەگرن.
ماڵپەری ئاوێنە
ژمارەی بینین:  449      بەروار:  20/07/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.