کوردی      عربي       فارسی       English       Kurdi  
    
  هەڵکوتانە سەر دامەزراوەی نالیا لە سلێمانی
دەقی ڕاگەیەندراوەکەی دامەزراوەی میدیایی نالیا

بۆ/

– رای گشتیی کوردستانیی و عێراقیی.

– حکومەتی عێراقی فیدراڵ.

– کونسوڵخانەو باڵیۆزخانەکانی ئەمریکاو وڵاتانی یەکێتی ئەوروپا لە هەرێمی کوردستان و عێراقی فیدراڵ.

– پەرلەمانی عێراق.

– رێکخراوی نەتەوەیەکگرتوەکان.

– وەزارەتی دەرەوەی ویلایەتەیەکگرتوەکانی ئەمریکا.

– سەرجەم کەناڵەکانی راگەیاندن و رێکخراوەکانی داکۆکیکردن لە ئازادیی رۆژنامەنوسیی لە هەرێمی کوردستان و عێراق

بابەت/ هەڵکوتانە سەر سێ کەناڵی میدیایی ئاسمانیی لە سلێمانی

کاتژمێر (7)ی ئێوارەی رۆژی 19ی 12ی 2017، هێزێکی ئاسایشی سلێمانی، کە بە نزیکەی 100 سەد چەکدار مەزەندە دەکران و بێ ئەوەی هیچ فەرمانێکی دادوەرییان پێبێت، هەڵیانکوتایە سەر دامەزراوەی میدیایی نالیا لە شاری سلێمانی، کە ئۆفیسی سەرەکی هەرسێ کەناڵی ئاسمانی (NRT،NRT2،NRT عەرەبی) تێدایە. دوای سوکایەتیکردن بە هەندێک لە کارمەندان و رۆژنامەنوسانی هەرسێ کەناڵەکە و شکاندنی بەشێک لە کەلوپەلەکانی دامەزراوە میدیاییەکە و بردنی بەشێکی کەلوپەلە تەکنیکییەکانی پەخشکردن، سەرەنجام پەخشی هەرسێ کەناڵە ئاسمانییەکەیان راگرت.

ئەوەی ئەم هێزە چەکدارە کردیان، سەرەڕای ئەوەی هیچ پاڵپشتییەکی یاسایی لەپشتەوە نەبو، هەڕەشەیەکی مەترسیدارە بۆ سەر ئازادیی رۆژنامەنوسیی لەسەر ئاستی کوردستان و عێراق، کە ئەمە یەکەمجار نییە کەناڵەکانی سەر بەم دامەزراوە میدیاییە ئەهلییە، روبەڕوی هەڕەشەو داخستن و رەفتاری لەمجۆرە دەبنەوە، کە تاکە دامەزراوەی میدیایی بێلایەن و ئەهلیی و پیشەییە لەسەر ئاستی کوردستانی عێراق.

هەڵکوتانە سەر ئەم دامەزراوە میدیاییە، هاوکاتە لەگەڵ رفاندن و بێسەرو شوێنکردنی “شاسوار عەبدولواحید”ی خاوەنی پێشوی دامەزراوەکە، لە فڕۆکەخانەی سلێمانییەوە بۆ شوێنێکی نادیار، کەتاکو نوسینی ئەم راگەیاندراوە، هیچ سۆراخێکی نییە، سەرەڕای دەستگیرکردنی “ئاوات عەلی”ی سەرۆکی دامەزراوەکە بۆ ماوەیەک.
بەناوی دامەزراوەکەمانەوە: داواکارین لێتان فشارەکانتان بخەنەگەڕ لە بەرانبەر ئەنجامدەرانی ئەم کردەوە ناشارستانیی و نایاسایە، کە دژی سەرەتاییترین مافەکانی مرۆڤ و ئازادیی رۆژنامەنوسییەو هەڵکوتانە سەر ئەم سێ کەناڵەو رفاندنی “شاسوار عەبدولواحید”ی خاوەنی پێشوی کەناڵەکەو، هەروەها شەهیدکردنی چەندین خۆپیشاندەرو هاوڵاتیی بێتاوان لەم رۆژەدا، دەخەینە ئەستۆی دەسەڵاتدارانی هەرێمی کوردستان، کە بڕوایان بە سادەترین بنەمای دیموکراسیی و دەستاودەستکردنی ئاشتییانەی دەسەڵات و سەروەریی یاساو مافەکانی مرۆڤ و ئازادیی رژنامەگەریی نییە لە کوردستان

ئەو تاوانەی ئەمرۆ بەرانبەر بەم دامەزراوە میدیاییە و خاوەنی پێشوی دامەزراوەکە کراوە، پەڵەیەکی رەشە بۆ سەر ئەزمونی حکومڕانیی هەرێمی کوردستان و دەسەڵاتدارانی هەرێمی کوردستانی عیراق.

دامەزراوەی میدیایی نالیا

 
19/12/2017
ژمارەی بینین:  735      بەروار:  20/12/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.