کوردی      عربي       فارسی       English       Kurdi  
    
  پێنج ساڵ بەسەر کۆمەڵکوژی ڕۆبۆسکیدا تێدەپەڕێت
ڕۆژ نیوز

ئەمڕۆ پێنج ساڵ بەسەر کۆمەڵکوژی گوندی ڕۆبۆسکی سەر بە شاری شرناخ-دا تێدەپەڕێت، کە تیایدا ٣٤ گەنج، منداڵ و مێردمنداڵ بەدەستی دەوڵەتی تورک گیانیان بەختکرد.
 
لە ٢٨ی کانونی یەکەمی ساڵی ٢٠١١، کە ڕۆژەکان بەرەو سەری ساڵ نزیک دەبوونەوە، ٣٤ ھاوڵاتی، کە گەنج، منداڵ و مێردمنداڵ بوون بەرەو ڕێگای سنورە دەستکردەکان کە لەپێشدا دانرابوون دەچوون، لە گوندی ڕۆبۆسکی سەر بە شارۆچکەی قلا‌بان-ی شاری شرناخ-ی باکوری کوردستان لەلایەن فڕۆکە جەنگییەکانی سوپای تورکەوە بۆردمان کران و کۆمەڵکوژ کران.
 
ھاوڵاتیانی گوندی (زێڤێی)، کە لەنێوان سنورە دەستکردەکاندا ھاوسنوری حکومەتی فیدراڵی باشوری کوردستانە لەساڵی ١٩٩٣ لەلایەن سەربازانی تورکەوە بەزۆر و زۆرداری گوندەکەیان پێ چوڵ کردبوون، لەحەوشەی مقەڕەکانیاندا دەستبەسەریان دەکردن و بەمەرجێک کە گوندەکەیان چوڵ بکەن بەریان دەدان و ئەوانیان بردە گوندی ڕۆبۆسکی.
 
دەوڵەت بۆ ئاواکردنی ماڵەکان ھیچ ھاوکاریەکی نەکردن و ھاوڵاتیانی لەگەڵ چارەنوسیاندا بەجێھێشت، لەسەر فەرزکردنی جاشایەتی، پێداگریی کرد و ھاوڵاتیانیش گوندی خۆیانیان چوڵکرد و ھەندێکیان ڕوویان کردە ھەرێمی کوردستان و ھەندێکیشیان لەنزیک گوندی ڕۆبۆسکی جێگیربوون، زەوییەکان لەلایەن دەوڵەتەوە ھەموو مینڕێژکران، لەبەر ئەمەش نەک ئاژەڵداری و کشتوکاڵ، بەڵکو ھیچ سەرچاوەیەکی بژێوی کە ژیانیان پێ دابین بکەن نەما، ھەر بۆیە ھاوڵاتیانیش دەستیان بەبازرگانی سەر سنور کرد.

 
ساڵێک پێشتر ئامادەکاری کۆمەڵکوژییەکەی ڕۆبۆسکی کرابوو

 
لەڕاستیدا ساڵێک بەر لە کۆمەڵکوژییەکەی ڕۆبۆسکی، واتا ساڵی ٢٠١٠ دەوڵەت ئامادەکاری بۆ ئەو کۆمەڵکوژییە کردبوو، ئاشکرا بوو لەھاوینی ساڵی ٢٠١٠ لەسەر ھەمان ڕێگا لەلایەن ھەلیکۆپتەرە کوبراکانی فەوجی ڕۆبۆسکی ئەو ھاوڵاتیانەی لەسەر سنور بازرگانیان دەکرد گولـلەباران کرابوون، بەھۆی ھاواری کۆڵبەران ھاوڵاتیان چووبوون بۆ ھاوکاریان، بەڵام لەلایەن جاشەکان و سەربازانی تورکەوە گولـلەباران کران و ھۆشیاریان کردنەوە، کە نەچن، بۆیە خەڵکیش گەڕانەوە گوندەکەی خۆیان.

 
گەنجان و منداڵانیان بۆردومانکرد

 
روپەلی ساڵنامە کە ٢٨ی کانوونی یەکەمی ٢٠١١ نیشان دەدا، لەنزیک گوندی ڕۆبۆسکی بێدەنگی شەو بە دەنگی بۆمبەکان دەشکێ، لەو گوندەی سەر سنور، کە گوندنشینان ژیانی خۆیان بەردەوام دەکرد و بە ساڵان دەچوونە ھەرێمی کوردستان و بازرگانی جگەرە و نەوتیان دەکرد، ٣٤ ھاوڵاتی مەدەنی کە منداڵ و گەنج و مێردمنداڵ بوون لەسەر ڕێگای گەڕانەوە بوون بۆ ماڵەوە، لەلایەن فڕۆکە شەڕکەرەکانی ئیف ١٦ی فەوجی ڕۆبۆسکی سەر بە ھێزە چەکدارەکانی تورک بە بۆمبی سەدان کیلۆیی کۆمەڵکۆژ کران.
 
 کۆمەڵکوژییەکە، کاتژمێر ٨:٢٠ خولەک لەلایەن چوار فڕۆکەی شەڕکەرەوە پێکھات و بارەگا سەربازییەکانیش ئاگاداری ‌ڕووداوەکە بوون، زانیاری کۆمەڵکوژییەکەش لەلایەن (سەروەت ئەنجو) کە لەڕووداوەکە ڕزگاری بووبوو گەیشتە خەڵکی گوند.

 
جەستەیان پارچە پارچە بووبوو
 
ھاوڵاتیان و خزم و کەسوکاری ئەو کەسانەی لە ڕووداوەکەدا ژیانیان لەدەستدابوو، ھەر کە لە ڕووداوەکە ئاگادارکرانەوە، بەپەلە خۆیان گەیاندە شوێنی ڕووداوەکە، کاتێک گەیشتن ئەوەی بینیان تەرمی پارچە پارچەکراو و سوتاوی ڕۆڵەکانیان بوو، تەرمەکان وەک خەڵوزیان لێھاتبوو، ورد و خاش ببوون و قژیان بەدەوروبەردا بڵاو بووبوەوە، ھەر پارچەیەکی جەستەیان لە شوێنێک کەوتبوو، بەشێوەیەک کە ئەندامانی جەستەی مرۆڤ و ئاژەڵەکان تێکەڵ بەیەک بووبوون.
 
ناوی ئەو کەسانەی لە ڕۆبۆسکی کۆمەڵکوژکران:
 
کارکەر ئەنجو، تەمەن ١٦ ساڵ
 
سەعیدخان ئەنجو، تەمەن ٢١ ساڵ

 
نادر ئاڵما، تەمەن ١٧ ساڵ

 
محەمەد عەلی تۆسۆن، تەمەن ٢٤ ساڵ
 
شەڕڤان ئەنجو، تەمەن ١٩ ساڵ
 
نەوزاد ئەنجو، تەمەن ١٩ ساڵ

عوسمان کاپڵان، تەمەن ٣١ ساڵ
 
ئۆزجان ئیساڵ، تەمەن ١٨ ساڵ
 
سەلیم ئۆزجان، تەمەن ٣٩ ساڵ

 
وەداد ئەنجو، تەمەن ١٨ ساڵ
 
محەمەد ئەنجو، تەمەن ١٣ ساڵ
 
مەحسوم ئەنجو، تەمەن ١٧ ساڵ
 
بیلا ئەنجو، تەمەن ١٦ ساڵ

ئەرکان ئەنجو، تەمەن ١٣ ساڵ
 
حوسنۆ ئەنجو،  تەمەن ٢٠ ساڵ
 
ساواش ئەنجو، تەمەن ١٤ ساڵ

جیھان ئەنجو، تەمەن ١٩ ساڵ

کەمال ئەنجو، تەمەن ١٧ ساڵ
 
سەرحەد ئەنجو، تەمەن ١٥ ساڵ

حەمزە ئەنجو، تەمەن ٢١ ساڵ
 
جەلال ئەنجو، تەمەن ١٥ ساڵ
 
شەرەفەدین ئەنجو، تەمەن ١٨ ساڵ
 
سەلام ئەنجو، تەمەن ٢٢ ساڵ

بەدران ئەنجو، تەمەن ١٣ ساڵ
 
فازل ئەنجو، تەمەن ٢٠ ساڵ
 
 
حوسین ئەنجو، تەمەن ٢٠ ساڵ
 
ئەسلان ئەنجو، تەمەن ١٧ ساڵ
 
 
شیڤان ئەنجو، تەمەن ١٣ ساڵ
 
ئۆرھان ئەنجو، تەمەن ٢١ ساڵ
 
زەیدان ئەنجو، تەمەن ٢٥ ساڵ

ساڵح ئەنجو، تەمەن ١٦ ساڵ
 
ئۆیکسەل ئۆرەک، تەمەن ٢١ ساڵ

ئەدھەم ئانت، تەمەن ١٩ ساڵ

ساڵح ئۆرەک، تەمەن ١٨ ساڵ
 
پێنج ساڵ تێپەڕی نەک ھەر تاوانباران دادگایی نەکران، دەوڵەتی تورک چەندین کۆمەڵکوژی تری وەک کۆمەڵکوژی جزیرە و سور ئەنجامدا و شاری شرناخی ژێراوژوور کرد و وێرانی کرد، زیندانەکانیشی پڕکرد لە ڕۆژنامەنووسان، پەرلەمانتارانی ھەدەپە، ئەکادیمسیان، ڕۆشنبیران، ھاوسەرۆکی شارەوانییەکانی دەبەپە، ئەندامانی ھەدەپە و دەپە و ...ھتد، لەبەرامبەر ئەمانەشدا بەرخۆدانی گەل بێ سڵەمینەوە بەردەوامە و ڕۆژ دوای ڕۆژ بە ورەی زیاترەوە تێکۆشان فراوانتر دەکەن.
ژمارەی بینین:  1261      بەروار:  28/12/2016
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.