کوردی      عربي       فارسی       English       Kurdi  
    
  کچە پاکیزەییەکانی ئەنفالی .....دوای ئەنفال

دیکۆمێنتی [١٦٠١] نھێنی چارەنوسی ‏
کچە پاکیزەییەکانی ئەنفالی .....دوای ئەنفال
بەشی : سیانزەیەم
لە ٢٥/ ٥ / ٢٠١٥ لە کاروان ئەنوەر-ی سەرۆکی سەند یکای رۆژنامە نوسانی کوردستان –لقی سلێمانی ،تیلم ‏بۆ ھات .وتی [لە بنکەی پۆلیسی کەلار-ەوە فەرمانی گرتنت بۆ دەرچووە ، بەھۆی بەشی پۆلیسی ناوشارەوە بۆ ‏جوڵان ].‏
‏ واتە بەکەلەپچە کراوی دەسگیرم بکە ن و لە بنکەی زیندانی سلێمانی زیندان بکرێم و دوایی بە ئۆتۆمبیلی ‏قەفەزی زیندان بمبەن بۆ بنکەی پۆلیسی کەلار ، لەوێ زیندانم بکەن ، تا رۆژی لێکۆڵینەوەو دادگایی کردنم.‏
ئەمەش دەقی فەرمانی دەسگیر کردنەکەمە ‏
وەزارەتی ناوخۆ
بەرێوەبەرایەتی گشتی پۆلیس ‏
بەرێوەبەرایەتی پۆلیسی پاریزگای سلێمانی
‏[ جوڵانەوە و تاوان / تاوان]‏
ژمارە ١٢١٩٤ ٢٤ / ٥ / ٢٠١٥ : ‏DATK‏ ‏
بۆ / بەشی پۆلیسی ناو شار /رۆژئاوا / جوڵان ‏
بابەت : دەستگیر کردن
ھاو پێچ لە گەڵ نوسراومان دا فەرمانی گرتنی تۆمەتبار [ عبداللە کریم محمود] بە پێی ماد دەی[٢٤٨/ ی.س ] ‏دەنێرن بۆتان دانیشتوی گەرەکی [شێخ ئاوا ] دەسگیری بکەن بە شیوەی اێو لی و ئاگادارمان بکەنەوە. ‏
‏ تکایە‏
ھاوپێچ / ‏
فەرمانی گرتن
‏ عە میدی پۆلیس‏
نەوزاد علی کریم
ل / بەرێوەبەری پۆلیسی پارێزگای سلێمانی ‏
وێنە بۆ :-‏
‏+ سەندیکای رۆژنامە نوسانی کوردستان / لقی سلێمانی ....بۆ زانین تۆمەتباری سەرەوە رۆژنامە نوسە و لە ‏‏[ بنکەی پۆلیسی کەلار ] فەرمانی گرتنی ھەیە .....لە گەڵ رێزدا.‏
‏+بەرێوەبەرایەتی پۆلیسی گەرمیان / جوڵانەوەو تاوان / نو سراوتان ژمارە [٣٨١٨ ] لە ٢٩ /٤ / ٢٠١٥ بۆ ‏زانین ...لە گەڵ رێزدا.‏
‏+پ ٣ / ھێشوو / بۆ تۆمارکردنی
ناو نیشا،// شەقامی بازنەی مەلیک مەحمود // پشت بەنزینخانەی بینایی/ ت /٣١٩٣١٤٧ – ٣١٩٣١٤٨// ‏جبار [٤٩]// ٥٥: ٣٨ : ١ . م // ١١ / ٥ . / ٢٠١٥ ‏
ئەمە ئەو دەقەیە کە بە بڕیاری[ داواکاری گشتی] ، حکومەتی ھەرێمی کوردستان ‏
ئەم شێوە فەرمانە بۆ نوسەرو رۆژنامەنوس و توێژەری بواری ئەنفال عەبدوڵڵا کەریم مەحمود -‌ لە لایەن ‏داواکاری گشتی حکومەتی ھەرێمی کوردستان ئاساییە .، چونکە ئەوان رەچاوی دەستورو یاسا ناکەن ، ئەوەندە داد پەرەرن.. ‏جیاوازی لە نێوان بە دواداچون بۆ رۆژنامە نوسێک وەک [ عەبدوڵڵا کەریم مەحمود ] لە گەڵ ‏ئینتھازیەک و موستەشارێک و خائینێک ناکەن ، بڕیاری لیژنەی بەدواداچونی کچە ئەنفالەکان و وەزارەتی شەھیدان و ئەنفال و بڕیاری سەروی خۆیان جێ بەجی ‏دەکەن. ‏
ئەمە کۆمیدیایەکی گاڵتە جاڕییە ئەوە دەگەیەنێت ‌ ، ئەوەی خزمەت بە کەیسی ئەنفال بکات ، بە مادەی [ ٢٤٨ی ‏یاسای سزادانی عێراقی] سزای دەدەن،بەشێوەی اسولی دەسگیری بکەن ،‌ وەک تاوان بار کەلەبچە بکەنە ‏دەستی و فڕێ ی بدەنە زیندانەوە تا رۆژی لێکۆڵینەوەو دادگایی کردن.‏
‏ ‏

دیکۆمێنتی [١٦٠١ ] نھێنی چارەنوسی ‏
کچە پاکیزە ییەکانی ئەنفالی ..دوای ئەنفال
بەشی : چواردەیەم
لە سەعات ٧- ٣٠ دەقیقەی بەیانی ١٦ /٦ / ٢٠١٥ لە گەڵ کاروان ئەنوەر سەرۆکی سەندیکای ‏رۆژنامەنوسانی کوردستان – لقی سلێمانی ،قادرسەرچناری نوێنەری یەکێتی ‌ نوسەرانی کوردستان-لقی ‏سلێمانی ،پارێزەری تایبەتی سەندیاکای رۆژنامەنوسانی کوردستان –لقی سلێمانی –بە ھاوڕێیەتی سەنگەر ‏عەبدوڵڵای کامیرامان و مۆنتێر بە کامیرای فۆتۆو ڤیدۆوە ، بە ئوتۆمۆبیلەکەی کاروان ئەنوەر لە سلێمانییەوە ‏روومان کردە کەلار ، کە گەیشتینە بنکەی پۆلیسی کەلار ،لێپرسراوی نوسینگەی رۆژنامەنوسانی – لقی کەلار ‏لەوێ ئامادەبوو .‏
رائید سۆران محەمەد غەریب لێپرسراوی بنکەی پۆلیسی کەلار، لە گەڵ پەیرەوکردنی رێنماییە یاساییەکان ، ‏بەرێزێکی زۆرو ئەدەبەوە ،ھەڵسوکەوتی لە گەڵدا کردین .‏
رووبە روو ی بەشی لێکۆڵینەوەی کردین ‏
لە بەشی لێکۆلینەوەی بنکەی پۆلیس ، فایلەکەمیان کردەوەو چەند پرسیارێکیان لێکردم :‏
‏+ ئەم دیکۆمێنتە . ڵە کوێ گیراوەو چۆن گەیشتە لات.‏
‏-‏ لەدوای راپەرین و ئازاد کرنی کەرکوک لە مو خابەراتی کەرکو ک گیراوە ،لە بەر ئەوەی من لە ‏بواری ئەنفال وەک رۆژنامەنوس و نوسەرو توێژەر خۆبەخشانە ئەرکی سەرشانی خۆم لەو ‏بوارەدا جێ بەجێ دەکەم ، ئەم دیکۆمێنتەیان پێش کەش بە کتێبی بەرگی دووە می رەشە بای ‏ژەھرو ئەنفال
کرد ،ھێشتا چاپ نەکرابوو. ‏
‏+ بۆ چ مەبەستێک بڵاوت کردەوە.‏
‏- لە رۆژنامەی کوردستانی نوێ بڵاوم کردەوە ،بۆ ئەوەی بەدواداچونی بۆ بکرێت ، یەکێک لەو کچانە لە میسر ‏ببینرێتەوە و بەمەش دەمانتوانی بە جیھانی بسەلمێنین کە تەنیا سەدام و حکومەتی عێراق ئەنفالی کوردی نەکردوە ‏، بەمەش کەیسی ئەنفال لە ئاستی دنیادا بە جینۆساید دە ‌ناسرا .‏
‏+ متمانەت بە بەڵگە ھەبوو. ‏
‏ ‏
‏-بەڵێ
‏+کەسو کاری١٨ کچە ئەنفالکراوەکە چیان وت:‏
‏- یەکەم جار کە ھەواڵەکەیان لە رۆژنامەدا خوێندەوە ،ھاتن بۆ ماڵەوە ، زۆر سوپاس و دەست خۆشیان لێ کردم ‏، بەڵام دوای نوێنەری کەس و کاری ئەو کچانەش کە من بۆخزمەتی ئەوان کاردەکەم لە گەڵ وەزارەتی ‏شەھیدان سکاڵایان . لەسەر تۆمار کردم.‏
لێپرسراوی بنکەی پۆلیسی کەلار وتی : لە بەر ئەوەی تۆمەتباری بە مادەی [ ٢٤٨ ] بەیاسای سزادانی عێراقی ‏دەبێت بە زیندانی لە گەڵ پۆلیس دا لە بنکەکەمانەوە بتنێرین بۆ دادگا ، بەڵام لە بەر ئەوەی رۆژنامە نوسیت ، ‏رێزی تایبەتیت دەگرین ، لێپرسراوی رۆژنامەنوسانی سلێمانی و کەلار و نوێنەری یەکێتی نوسەران ھاورێتن ،‏میوانی ئێمەن . لە گەڵ ئەوان دا بڕۆن بۆ دادگای بەرایی کەلار ، پۆلیسی خۆمان فایلەکەت دێنێت بۆ لای ‏دادوەری لێکۆلینەوەی دادگای کەلار .‏
عەبدوڵڵا کەریم مەحمود ‏
ژمارەی بینین:  218      بەروار:  15/08/2017
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.