کوردی      عربي       فارسی       English       Kurdi  
    
  هیومان رایتس ۆوچ: توركیا له‌هێرشه‌كانیدا بۆ ناو خاكی عێراق پێشێلی یاساكانی جه‌نگی كردوه‌

رێکخراوی ھیومان رایتس ۆوچ ئاشکرای کرد پێدەچێت تورکیا لەکاتی ھێرشەکانی بۆ سەر خاکی عیراق تاوانی جەنگی ئەنجامدابێت بەوەی کە ھاوڵاتیانی مەدەنی کردۆتە ئامانج،  بۆیە پێویستە لەوبارەیەوە لێکۆڵینەوە بکرێت.

ئاوێنە: رێکخراوەکە، دوێنێ(چوارشەممە) لە بەیاننامەیەکدا رایگەیاند؛ تورکیا لەچوار ھێرشیدا بۆسەر بنکەو بارەگاکانی پارتی کرێکارانی کوردستان کە لەماوەی زیاتر لەساڵێکدا ئەنجامی داون، حەوت ھاوڵاتی مەدەنی کوشتوەو یەکێکی دیکەشی بریدار کردوە.
 
شایەتحاڵان بۆ ڕێکخراوی ناوبراو ئاشکرای دەکەن، تورکیا لە ماوەی مانگی ئایاری ٢٠١٧ بۆ حوزەیرانی ٢٠١٨ چوار ھێرشی کردۆتە سەر شوێنی ھاوڵاتیانی مەدەنی و بەھۆیەوە ٦ پیاو و یەک ژن کوژراون، کەسێکی تریش برینداربوە، ئەمە لە کاتێکدا بوە، کە ئەو شوێنانە لە بارەگاکانی پارتی کرێکارانی کوردستانەوە دور بوە.

لە بارەی ئەو ھێرشانەوە، جێگری بەرێوەبەری بەشی ڕۆژھەڵاتی ناوەراستی رێکخراوەکە وتویەتی؛لەگەڵ زیادبونی ھێرشەکانی تورکیا بۆ سەر عیراق، پێویستە رێوشوێنی پێویست بگیرێتە بەر بۆ ئەوەی لەکاتی ھێرشەکاندا زیان بە ھاوڵاتیانی مەدەنی نەگەیەنرێت، لەسەر تورکیا پێویستە لێکۆڵینەوە لە ھێرشە نایاساییەکانی بکات  کە ھاوڵاتیانی مەدەنی کردۆتە قوربانی، ھەروەھا لێکۆڵینەوە لەگەڵ ئەو بەرپرسانە بکات کە ئەو ھێرشانەیان ئەنجامداوە.
سەرچاوە: ماڵپەڕی ئاوێنە

 
ژمارەی بینین:  455      بەروار:  20/09/2018
هیچ سەرنجێک بوونی نیە‌ .
تکایە سەرنجەکەت لێرەوە بنێرە  
   

ماڵپه‌ڕی پێشوو ١
ماڵپه‌ڕی پێشوو ٢
    
Copyright 2012. All Rights Reserved.